Escola da Polveira: 2018

MERENDA ARREPIANTE POLO SAMAÍN!!!

Este ano moita fame tivemos na Polveira polo Samaín, así que entre todas as bruxas, zombis, esqueletes e vampiros, decidimos facer unha merenda un pouco peculiar. O menú consistía en dedos, morcegos, cabazas, mouchos, arañas,...

A verdade é que nos quedaron terroríficamente ricos!!!!!!!

Ben o puideron comprobar as nais e pais que nos acompañaron e que nos leron uns contos de medo!

Moitas grazas!!!

ATENCIÓN AO PÚBLICO

Xa chegamos ao remate do curso, pero eu seguirei na escola no horario e datas que se recolle no seu taboleiro.

Senon podedes acudir nese horario chamade ao teléfono da escola ou mandade un correo.

Boas vacacións a todos!!

Formalizacion de matrícula na escola para oncurso 2018/19

Familias:
Dende o 20 ao 30 de xuño será o prazo para a formalización da matrícula dos nenos e nenas na escola para o curso escolar 2018 - 2019.
Teredes que cubrir o ANEXO III DOCUMENTO DE FORMALIZACIÓN DE MATRÍCULA EDUCACIÓN INFANTIL E PRIMARIA ou vir a recoller dito Anexo III-1 a escola.

Recórdovos que tamén teredes que traer a seguinte documentación:
1. Fotocopia do DNI pais/titores.
2. Fotocopia do libro de familia completo.
3. Fotocopia do da tarxeta da Seguridade Social.
4. Fotocopia das vacinas administradas.
5. 2 fotos tamaño carnet.
6.Outra documentación pertinente: sentenzas, convenios reguladores, informes médicos relevantes,.....

Ante calquera dúbida podedes falar comigo no horario que se recolle no taboleiro da escola ou por medio do correo electrónico ou do teléfono da escola.

Estamos rematando o proxecto do lobos e reflexionamos sobre a súa figura nos contos. O lobo é bo ou malo? En que contos é malo? Porque?

Chegamos a conclusión de que non é malo, so é un animal, que "ten que comer, e por iso come aos animais". Tamén que aínda que nos contos o lobo as veces come persoas, iso non é certo, porque os lobos temen as persoas.

Investigando regalos

Menuda sorpresa nos trouxo Irene. Nada máis e nada menos que un cogumelo xigante!
Co noso libro de cogumelos e uns guantes puxemos a investigar, e ata que atopamos o seu nome non paramos!
O que máis nos gustou foi ver como cambiaba dunha cor amarela-marrón a unha cor azul, cando a cortamos para vela por dentro.

Sabedes de que cogumelo se trata?

Hoxe cociñamos biscoito!

O biscoito mais esperado de todos fixémolo hoxe coa mamá de Diana. Imaxinades de que pode ser.... ?

De chocolate!!!
Moitas grazas por vir ata a escola a cociñar con nos Irene.

Non estamos!

Hoxe estamos de excursión!
Se necesitades poñervos en contacto coa escola chamade ao teléfono da escola 666596890

Día do Medioambiente

Ronda del árbol con pájaros

(David Chericián)

Esto es un árbol -se levanta
de la tierra hacia el aire y canta
con hojas y ramas y flores
cantos de luces y colores.

En él los pájaros sus nidos
colman de vuelos y latidos
que al aire llevan las canciones
de semillas y de pichones

Esto es la vida: un árbol lindo
- zapote, mango o tamarindo -
que lanza al aire, al mundo, al cielo
canciones - pájaros en vuelo.

Recollido da web: Bibliopoemes.blogspot.com

Fai uns días o papá de Laura veunos leer un conto moi interesante... Fixádevos na cara de atención!
Pasárono moi ben con el, e aprendemos cousas tan importantes como que debemos de creer en nós mesmos.

Moitas grazas por vir á escola!

Non só na escola!

Se queredes facer un pouco de ioga na casa, neste video sobre con técnicas para a relaxación teredes pautas sobre a execución das asanas de forma moi clara e divertidas para os máis peques.

Animádevos?

Barriñas

Hoxe fixemos barriñas coma as que traen os Dorados os venres a escola.
Foron moi sinxelas de facer e admiten moitas variacións! As nosas levaban copos torrados de avena, sementes variadas, cereixas (que están de temporada) e amorodos, mel, canela, coco, chocolate e vainilla, pero podedes botarlle o que queirades e que mais vos guste, como froitos secos, siropes, millo, ....

Observando

Aproveitamos calquera momento para observar o noso entorno e descubrir cousas novas.
O libro "As Aves" é un imprescindible na hora do recreo

Lobos e osos cazando

Lobo Matías

Na aula empregamos este recurso en algunhas ocasións:O LOBO MATÍAS

Unha canción que nos gusta moito

Que sigan os días de sol

Co sol que fixo hoxe, aproveitamos para facer algunas das rutinas habituais fora da aula.

Letras galegas

O biscoito misterioso

Lendo o conto de carapuchiña vermella preguntámonos cal era o biscoito que lle levaba a súa avoa, polo que hoxe fixemos o biscoito que creiamos que podía ter nese cesto. Un biscoito de mazá con canela.

Ata fixemos os cestos! Aínda que podían decoralos de forma libre a maioría dos Dorados incluíu elementos como os fíos ou as letras presentes na obra "Un cachiño de bica?" (de María Victoria Moreno, a homenaxeada deste ano nas letras galegas) que acababamos de ler.

Pegadas sospeitosas no monte

Lara encontrou unhas plumas indo de paseo e unhas "pegadas sospeitosas" ... Eran de lobo, raposo ou de can?
Estivemos investigando en contos da biblioteca e nos ordenadores. E creemos que atopamos a resposta entre todos do que puido pasar e de quen eran esas pegadas.

A nosa semana do libro

A semana do libro estivo chea de actividades! Bea, veu a leer o conto Voy a comedte! aos Dorados, elaboramos uns marcapáxinas moi graciosos, e comezamos o noso libro de poemas de lobos, entre outras actividades.

Vai de nísperos

Esta semana pasada fixemos tartaletas de nísperos! Moitos non coñecían este froito de temporada, polo que observamos, exploramos cos sentidos (a que ule, a que sabe, como é...) e o comparamos con outras froitas que xa coñecemos. Tamén observamos e comparamos as súas sementes con outras que temos na escola no recuncho da natureza.

Comeza a función!

Hoxe aproveitando o bo tempo que facía saimos a fora a facer un teatro cos persoaxes de Os tres porquiños, o conto da semana. Tivemos que elaborar e ter enconta varios elementos, coma o ambiente, elaborar os títeres, a audiencia, ...todo isto de forma individual, o que deu lugar a grandes diferenzas creativas nas súas produccións.

Canción do lobo

Cociñamos

Cociñamos esta semana con unha receta de flan de Diana. Ademais, tivemos moita sorte e non soamente fixemos o flan, senón que tamén preparamos un rico batido de froitas (plátanos, amorodos, mazás, melocotóns, ...) seguindo coas froitas e verduras como fío condutor de todas as recetas.
Coma sempre todos participamos medindo os ingredientes, mesturando, ... E probando!

Moitas grazas por vir a cociñar con nos e compartir as túas recetas!!!

Chega o sol!

Celebramos a chegada do bo tempo con unha merenda e xogos no patio. Oxalá se manteña así!!

Un LIM das estacións

Comparto con vós este recurso LIM sobre as estacións. Clicade aquí para abrilo!

Para máis recursos coma este podedes consultar a web http://www.educalim.com .

Non todos os lobos son feroces

Crecen, crecen

Prantamos fai pouco unhas sementes para observar e rexistrar o proceso de xerminación con diferentes especies. Todos os días nos atopamos con unha sorpresa!

Comezamos!!!

Gracias a todos os vídeos, fotos, debuxos e libros que nos estades a mandar os Dorados xa comezaron a investigación sobre os Lobos, o noso proxecto para este último trimestre.

Xa estamos aprendendo e rexistrando moitas cousas e apenas levamos uns días!

Ioga. Trikonasana

Xa facía tempo que non subo ao blogue algunha das asanas que executamos nas sesións de ioga. Isto é por dous motivos. O primeiro, e que non sempre facemos asanas, senón que introducimos outras actividades e xogos. O segundo e que non sempre se pode sacar unha foto.
Sen mais voltas, Noa presentamos trikonasana, ou a cometa, como nos lle chamamos. Con esta asana estiramos os lados do corpo e fortalecemos os músculos. É un pouco complicada realizala, pois hai que seguir uns pasos, pero imos mellorando pouco a pouco como podedes ver na foto.

Toca pizza!

Continuamos a descubrir nas sesions de cociña as partes das plantas que podemos comer. Así, esta semana, tocou facer unha pizza con productos vexetais.
Foi moi divertido amasar e ver como crecían as mini pizzas no forno!

Información para o novo alumnado

Xa temos no taboleiro da escola o listado provisional de alumnado admitido para o curso 2018 - 2019.

Temos un novo amigo!

En colaboración coa obra social '' la Caixa'' e o seu programa de hábitos saudables temos un novo amigo na escola. Coidaremos moito del e seguro que aprenderemos moito!

A primavera

Seguimos con actividades para a vivenciación da primavera ao longo da semana. Buscamos a primavera en diferentes artistas ( pintura impresionista, arte contemporánea, poemas...), a creación propia de composicións sobre o tema, a través de xogos de expresión corporal, de lóxica-matemática, lectoescritura e a sesión de cociña semanal.
A través da lectura do conto Ainda Nada?, de Kalandraka, continuamos aprendendo o proceso de xerminación que iniciamos con Diego. A lectura a complementamos con actividades de lectoescritura e experimentacion, concretamente coa plantación de diferentes sementes (fabas, lentellas, garbanzos...) en algodón, e que ademais comparamos, describimos, clasificamos atendendo a diferentes características....

Que comemos dunha planta?

A sesión de cociña desta semana e as seguintes deste trimestre, estivo centrada nunha pregunta que se lle fixo aos dorados. Que comemos dunha planta? Para esto tivemos que coñecer as súas partes e reflexionar se algunha vez comemos algo que se lle asemelle. Descubrimos que comemos moito máis do que pensábamos e para algún deles foi sorprendente.

Para recoller todo o novo que aprendimos fixemos un mural no que pegamos recortes de revistas de mercados as partes das plantas que comemos (follas, raíces...).

E despois fixemos a receta empregando sementes. A receta foi unhas tortillas de chicharos e millo, que resultaron moi ricas!

Chega a primavera

A nosa aula está cambiando. Chega a primavera, pero en Trazo parece que soamente de forma astrolóxica porque por fora so temos chuvia e frío Por iso tocanos a nos traer a primavera inspirándonos na artista Rebecca Law.

Familias lectoras

Tivemos a visita de David para ler na escola o conto do Grúfalo.
Decir que lles gustou e dicir pouco!!! Moitas grazas por vir e esperamos que volvas outra vez.

Explorando tés do mundo

Posto que estamos a descubrir tradicións de diferentes culturas do mundo esta semana probamos a facer té na escola.
Para poder facelo pedimoslle axuda a Mistelanea que nos ofreceu non soamente té da China, senón de outros países do mundo.
Os nenos puideron ver, saborear, ulir e comparar os diferentes tés (aptos para os mais pequenos). Foi toda unaha experiencia!!!